«ер сотиш» тегли мақолалар
Андижон ва Қашқадарёда ер майдонларини ноқонуний сотишга уринган шахслар қўлга олинди
Андижон ва Қашқадарё вилоятларида фуқароларга ер майдонларини мансабдор танишлари орқали ноқонуний равишда сотишга уринган шахслар аниқланди. Уларга нисбатан жиноят ишлари қўзғатилди.
ДХХ: Гулистон тумани собиқ ҳокими 300 минг долларга ер сотиш билан боғлиқ ишга алоқадор бўлгани аниқланди
Сирдарёнинг Гулистон шаҳрида ҳокимият захирасидаги ерни бошқа бир шахсга ноқонуний олиб беришга уринган икки киши 300 минг доллар талаб қилиб, шундан 50 минг долларини олганда ушланди. ДХХга кўра, жиноий ишга 2018−2021 йилларда Гулистон туманини бошқарган Шавкат Ғафуров ҳам алоқадор бўлган.
Сирдарё, Наманган ва Қашқадарёда ер майдонларини ноқонуний сотмоқчи бўлганлар ушланди
ДХХ Сирдарёда 46 сотих ерни 46,5 минг долларга, Наманганда 36 сотих ерни 25 минг долларга ва Қашқадарёда 25 сотих давлат захирасидаги ерни 300 миллион сўмга сотмоқчи бўлган шахсларни ушлади.
«Бу — коррупцияга асос». Президент Ўзбекистон туманларининг мастер-режалари йўқлиги ҳақида гапирди
Президент бош вазир ўринбосарига йил охиригача 70 та, 2025 йилда эса Ўзбекистоннинг барча туманлари бўйича мастер-режалар ишлаб чиқиш топшириғини берди. Шунингдек, у баъзи ҳокимлар пахта майдонларини электрон платформага интеграция қилиш тўғрисидаги фармонига зид иш тутаётганини айтди.
Тошкент вилоятида 10 гектар ерни олиб бериш эвазига фуқародан 24 млн доллар талаб қилган Давлат хизматлари маркази ходими ушланди
Зангиота туманида Давлат хизматлари маркази ходими 10 гектар суғориладиган ер майдонини 24 млн АҚШ долларига сотиб олиб беришини айтиб, фуқародан пулнинг бир қисмини олётганда ушланди. Бундан ташқари, Ўрта Чирчиқ туманида 4 гектар ерни 2,5 млн долларга олиб беришини айтган шахс ҳам қўлга олинди.
Самарқандда ҳокимият захирасидаги ерни $75 мингга сотмоқчи бўлган шахс ушланди
Тойлоқ туманида ҳокимият захирасидаги 18 сотих ерни 75 минг долларга сотмоқчи бўлган шахс қўлга олинди. Ҳозирда ҳолат бўйича терговга қадар текширув ҳаракатлари ўтказилмоқда.
Ўзбекистон тумани ҳокимлиги ходими 3 гектар ерни 4 минг долларга сотишга уринганликда гумонланиб қўлга олинди
Ўзбекистон тумани ҳокимлигининг ер назорати инспектори ҳокимият балансидаги 3 гектар ерни очиқ электрон платформа орқали ютиб бериш эвазига 4 минг доллар олганликда гумонланмоқда. Унга нисбатан жиноят иши қўзғатилиб, дастлабки тергов ҳаракатлари олиб борилмоқда.
Навоийда ФВВ ходими 700 млн сўмга ер сотаётганда ушлангани айтилмоқда
Нурота тумани ФВВ ходими фермер хўжалиги раҳбари билан бирга 80 гектар ерни 1 млрд сўмга сотишга келишиб, фуқародан пулнинг 700 млн сўмини олган вақтида ушлангани айтилмоқда. Шундай ноқонуний ҳолат Андижон ва Самарқанд вилоятларида ҳам қайд этилди.
Тошкент вилояти ва Қорақалпоғистонда ноқонуний ер савдоси билан шуғилланишда гумонланганлар ушланди
Ўрта Чирчиқ тумани ва Нукус шаҳрида бўш ер майдонни 14 500 доллар ва 37 млн сўмга сотаётган шахслар аниқланди. Ҳолат юзасидан тергов ҳаракатлари бошланди.
Сирдарёда МЧЖ раҳбари, Андижонда эса 2 фуқаро ерни ноқонуний сотишда гумонланмоқда
ДХХ Сирдарё ва Андижон вилоятларида ерни мос равишда 12,5 минг доллар ва 148,2 млн сўмга ноқонуний сотишга уринганликда гумонланганларни қўлга олди. Уларга нисбатан жиноят иши қўзғатилган.
Навоийда 2 гектар ерни 200 минг долларга сотмоқчи бўлганлар ушланди
Навоий вилоятида иссиқхона қуриш учун мўлжалланган 2 гектар ерни сотмоқчи бўлган уч нафар шахс ушланди. Ҳокимлик томонидан ажратилган ер уйлар қуриш учун сотиб юборилиши олди олинди.
Янгийўлда цех учун ажратилган ерни ноқонуний сотишда гумонланган фуқарога жиноят иши очилди
Янгийўл тумани ҳокимлиги фуқарога «Ёшлар меҳнат гузари ишлаб чиқариш цехлари» мажмуасини қуриш учун 2 гектар ер берган. Бошқа фуқаро шериклари билан унинг 1 гектарини $400 мингга сотиб олишга келишиб, 30 минг долларини олаётган вақтларида ушланган. Ҳозир ҳолат бўйча жиноят иши очилди.
Ўрта Чирчиқда 15 сотих бўш ерни $15 минг эвазига сотишга уринган шахс аниқланди
Тошкент вилоятининг Ўрта Чирчиқ туманида фуқаро маҳалла ҳудудидаги 15 сотих бўш ерни 15 минг долларга сотишга уринганликда айбланмоқда. Гумонланувчи мазкур ер майдонини танишлари орқали расмийлаштириб беришини айтиб, олдиндан 10 минг долларни олган вақтида қўлга олинган.
Сурхондарёда ўзганинг 17 сотих ерини сотмоқчи бўлган шахс қўлга олинди
Сурхондарёнинг Қумқўрғон туманида фуқаро ўзига тегишли бўлмаган 17 сотих ер майдонини 8 минг долларга сотишга уринганликда айбланмоқда. Гумонланувчи харидордан 100 млн сўм олган вақтида қўлга олинган. Ҳолат юзасидан жиноят иши қўзғатилди.
Самарқандда 4 гектар ерни $42 мингга сотишда гумон қилинаётган шахслар ушланди
Самарқанд вилоятида бир нечта шахслар 4 гектар ер майдонини 42 минг долларга сотишга уриниб, келишилган пулни олаётган вақтида ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Тошкент вилоятида 3 гектар ерни $350 мингга сотишга уринишди
Тошкент вилоятида икки фуқаро 3 гектар ер майдонини 350 минг долларга сотишга уринганликда гумонланмоқда. Улар келишилган пулдан 10 минг долларини олганида ҳуқуқ-тартибот органлари ходимлари томонидан ушланган. Гумондорларга нисбатан жиноят иши қўзғатилди.
Андижон ва Самарқандда ноқонуний ер сотишга уринганликда гумонланган шахслар қўлга олинди
ДХХ Андижон ва Самарқандда ноқонуний ер сотиш ҳолатларига чек қўйди. Андижондаги ҳолатда фуқаролар 1 га ерни $180 мингга сотишга уринди. Самарқанддаги тўртта ҳолатда эса 3 га ерни 180 млн сўмга, 50 сотих ерни $100 мингга, 70 сотих ерни $65 мингга ва 5 га ерни $50 мингга сотмоқчи бўлганлар ушланди.
Самарқандда 70 сотих ерни $65 мингга сотмоқчи бўлган шахслар қўлга олинди
Пастдарғом туманида икки нафар шахс ҳокимлик захирасидаги 70 сотих ер майдонини ноқонуний равишда 65 минг долларга сотишга урингани айтилмоқда. Ҳуқуқни муҳофаза қилувчи органлар ходимлари гумондорларни келишилган маблағдан 32 минг долларини олган вақтида ушлади.
Тошкентдаги бир гектар ерни $1 млнга сотмоқчи бўлганлар ушланди
Тошкент шаҳар ИИББ ходимлари Янгиҳаёт туманидаги 1 гектар ерни 1 миллион долларга сотишни ваъда қилган икки нафар шахсни қўлга олди.
Бўстонлиқда 2,4 га ерни қарийб $1 млнга сотмоқчи бўлганлар ушланди
Икки нафар фуқаро Бўстонлиқ туманидаги 2,4 гектар ерни сотиш учун авансни олаётганида қўлга олинди. Ерни 980 минг долларга сотишни режалаштирган фуқаролар кейинчалик уни қурилиш учун расмийлаштириб беришни ваъда қилишган. Фуқаролардан бири Бўстонлиқ туман йўл-қурилиш бошқармаси раҳбарининг ўринбосари бўлиб чиқди.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг